每個人運動嘅目的或者目標都唔一樣,大隻?健康?腹肌?減肥?比賽?要講嘅話我相信一篇文係唔夠我打… 理由真係有好多，每個人都有佢嘅目標，但係點樣先可以達成自己嘅目標?
首先就係set up一個有時間性目標
我想減肥!想減幾多?一個月減20磅?想要24吋腰?
仲有兩個就結婚啦！我想著婚紗靚D!想收肚腩?想要蜜桃臀?
我要一個月內操大隻練好體能考警察!
第二,點樣達成你嘅目標?
跑步?好悶喎!操機?唔識用喎?Yoga?我D筋好硬喎!咁多運動!總有一樣運動係適合自己嘅!
第三,坐而起行
唉!放工都攰死啦!點做運動呀?諗咗就做啦!唔好再俾藉口自己啦!
第四,持之以恆
俾三個月自己習慣運動生活,用最少三個月嘅時間俾身體去展示你努力成果!
記得!身體係最誠實!肌肉同線條都唔係做一日運動就練成,你俾咩個身體,身體就會回饋咩嘢俾你! 當然運動要配合健康飲食,唔係話做完運動就可以亂食嘢!一開始辛苦就一定嘅!當運動成為習慣同興趣, 你就會發現人精神咗!病痛都少D!
Comentários