每日都係地盤做做做，行行行，難得一日假期上個山，玩個比賽，緊係想影靚相似返個女生。但係化住妝做運動，仲要係戶外運動啵，浮粉、溶妝、眼線溶晒、睫毛液粉碎咁散佈面上每個角落，真係提早萬聖節咩((OMG))
化妝跑姐年資2年既我，偏油肌，如何立於不敗之地，到今日仲堅持帶妝上陣，又keep到靚樣?我一於公開我既化妝袋! 一齊睇下我既運動「妝」備啦!
底妝
老實講，做運動無乜底妝唔甩，出汗出油，仲會見到塊面白晒浮晒粉!!!!! 所以Tiff一定會揀岩自己膚色既粉底，至少唔會浮到白晒。做運動最主要就係均勻膚色，輕薄透亮。Giorgio Armani新出既 My Armani To Go Essence In Foundation Tone-Up Cushion，係Armani box第一次見到佢已經俾佢裸粉色包裝吸引住omg，仲話有透明質酸，平時面膜到有就聽過。一試用真心不得了。
我就揀左雪紡水光氣墊精華粉底，除左有Tiff既小麥色色號之外，一上手個finish唔會太sticky，潤得黎又帶D matt，毛孔即刻細緻晒。買左返去之後試過出街12小時，中間做埋運動，熱到人都溶。夜晚既時候都唔會現晒毛孔黑頭，仲帶有光澤 (自攜女神光環)
呢個系列既粉撲係好cute既水滴形，我通常都用尖頭個邊遮一遮返黑眼圈，拎多少少粉底就上晒全面。真係值得一提係佢個cushion，禁一下落去唔會一野之晒粉底出黎，每次少少容易控制。
柔滑輕盈既代價就係要犧牲遮瑕度 (哭)，但係Keep得住全日保濕、持妝度高，最重要係卸妝之後皮膚仲靚左滑左(用牌子野就係高級)。
如果你又試過有邊隻「妝」備係超級防水唔甩，或者有想試下邊隻新既產品，自稱防水防暈染到底係堅定流，想我試下，係下面comment話我知!
小Tips獻給你: 想底妝無咁易溶? 用快乾毛巾印汗係王道~快乾毛巾無粒粒，印汗個陣唔會整花個妝，仲一下就印乾D汗，之後就可以補妝啦~
仲有更多運動心得，繼續follow我【__師奶少女Tiff__】啦~
