每日都係地盤做做做，行行行，難得一日假期上個山，玩個比賽，緊係想影靚相似返個女生。
但係化住妝做運動，仲要係戶外運動啵，浮粉、溶妝、眼線溶晒、睫毛液粉碎咁散佈面上每個角落，真係提早萬聖節咩 ((OMG))
化妝跑姐年資2年既我，偏油肌，如何立於不敗之地，到今日仲堅持帶妝上陣，又keep到靚樣?
我一於公開我既化妝袋! 一齊睇下我既運動「妝」備啦!
眉
中學時期十分之迷韓國品牌，平靚正。(雖則依家都仲係好迷) 以前成屋都係Etude House既產品，依家就成屋都係innisfree (哈哈哈哈) 但係係我化妝袋最長壽既都係佢，Etude House Tint My 4-Tip Brow。4叉式設計簡直不得了，同小學雞罰炒出cheat既「排筆」一樣。一畫落去就有4條毛既效果，想要1條毛就打直畫，方便! Product如其名，tint到爆，hold到一至兩日，做運動真心岩晒!
正因為佢係4條毛設計，好容易畫多左，marker筆頭又好容易畫深左，落手個陣真心要小心行事，如果唔係就會變蠟筆小新。 (omg)
眼線
眼線係除左眉之外，第二大重要既化妝品!
做運動都係揀返防水防暈染既眼線筆比較好，一出汗出油，你唔好話眼線甩，我個人都甩甩地。Dejavu柔軟毛筆型眼線型係我近排既大愛!!
第一，防暈染呢方面做得唔錯。呢個產品防水唔太防油，但係甩出黎唔會一patpat，係好似擦子膠碎咁。加上基本上你唔郁佢唔捽佢，係唔會甩架! 跑完步都唔會變smoky eyes，係擦汗要小心D。
第二，筆尖幼細。新手上路我就推薦粗D既筆頭，但係你手夠定既，最好都係用返尖幼既頭。好多人一下咁畫落去眼到，以為一筆過，無有錯。咁就大錯特錯，眼線係要慢慢buildup~ 所以用筆頭尖細就容易控制，唔怕一野過就返唔到轉頭。
第三，夠實色。係大愛Dejavu之前用緊Kiko既防水眼線筆，因為呢個款係limited collection，又真心好用，為此一直煩惱無代替品。但係Dejavu出現左之後真心有返唔到轉頭既感覺，又黑又實色，唔洗太大力都上到色。但係大家既防水力都相約，中意marker頭或者係新手既你，都私心推薦Kiko Stylio eyeliner。
下一篇講埋其他既「妝」備，想知點樣keep住好樣完賽，就要睇埋下一篇啦!
如果你又試過有邊隻「妝」備係超級防水唔甩，或者有想試下邊隻新既產品，自稱防水防暈染到底係堅定流，想我試下，係下面comment話我知!
小Tips獻給你: 畫眼線我中意先畫眼線後上眼影，有用粉定妝既效果，又可以smash返開條眼線，自然眼妝就係咁簡單。
仲有更多運動心得，繼續follow我【_師奶少女Tiff_】啦~
